Helgun

Helgihald og helgiathafnir eru óaðskiljanlegur þáttur í trúarlegu lífi. Með þeim styrkja einstaklingar og samfélög sífellt böndin milli Guðs og mannkyns. Sú tenging gefur þeim tengslum sem liggja til grundvallar þjóðfélaginu líf – þ.e. milli einstaklinga og mismunandi þátta samfélagsins og stofnana þess.

Bænin er bráðnauðsynleg fyrir okkur sem andleg næring og fyrir andlegan vöxt okkar. Í gegnum hana lofum við Guð og tjáum ást okkar til hans um leið og við biðjum um aðstoð hans. Geta mannsins til að hugleiða er einkennandi þáttur í lífi hans. Bahá’í ritin gefa til kynna að mannlegar framfarir væru ómögulegar án hugleiðslu og íhugunar. Fasta og pílagrímsferðir eru aðrar tegundir persónulegs helgihalds sem hafa leikið mikilvægt hlutverk í trúarlegu lífi í gegnum mannkynssöguna. Vinnu má líka líta á sem tilbeiðslu sé hún unnin í anda þjónustu.