Bahá’í samfélagið
Frá örófi alda hefur Guð sent mannkyninu röð fræðara - opinberendur Guðs - sem hafa fært mannkyni þekkingu til að þróa siðmenningu sína. Þessir opinberendur voru meðal annarra Abraham, Krishna, Saraþústra, Móses, Búddha, Jesús og Múhameð. Bahá’u’lláh, sá sem stendur okkur næst í tíma, útskýrði að öll trúarbrögð mannkyns koma frá sömu uppsprettu og eru í kjarna sínum kaflar í einni og sömu trú Guðs.
Bahá'íar trúa því að mannkynið þurfi nauðsynlega að öðlast sameinandi sýn um framtíðarþjóðfélag og eðli og tilgang lífsins. Slík sýn birtist í ritum Bahá’u’lláh.
Hverju trúa bahá'íar?
Bahá’í trúin leggur áherslu á einingu mannkynsins, jafnrétti kynjanna, samræmi trúar og vísinda, nauðsyn þess að menntun sé öllum aðgengileg og réttlæti liggi til grundvallar í öllu skipulagi þjóðfélagsins. Bahá’íar, fylgjendur trúarinnar, vinna að því að bæta líf sitt og leggja jafnframt sitt af mörkum til samfélagsins með þátttöku í uppbyggingu sífellt réttlátari og friðsælli siðmenningar.
Bahá’í trúin var fyrst nefnd á prenti hér á landi árið 1908 og síðar skrifaði Matthías Jochumsson afar jákvæða grein um trúna árið 1915. Árið 1924 kynntist Hólmfríður Árnadóttir bandarískum bahá’ía en þessi kynni leiddu til þess að hún þýddi og gaf út bókina Bahá’u’lláh og nýji tíminn sem varð þar með fyrsta bókin um trúna á íslensku. Síðan þá hafa fjölmörg hjörtu verið snortin af kenningum trúarinnar. Í dag eru skráðir bahá’íar á Íslandi fleiri en 300.
Hvað gera bahá'íar?
Það sem knúði Hólmfríði til að þýða bók um bahá’í trúna á íslensku fyrir miðja síðustu öld var án efa sannfærandi sýn Bahá’u’lláh um betri heim. Fjölmargir um allan heim hafa hlotið innblástur af kenningum trúarinnar á borð við einingu mannkyns, jafnrétti karla og kvenna, útrýmingu fordóma og samræmi trúar og vísinda og reynt að beita þeim í lífi sínu og starfi. Aðrir hafa gengið lengra og gengið til liðs við bahá’í samfélagið og byrjað að taka þátt í viðleitni þess til að vinna með beinum hætti að því að gera stórfenglega sýn Bahá’u’lláh um fullþroskaskeið mannkyns að veruleika.
Ef lýsa ætti bahá’íum í einu orði væri orðið fjölbreytni afar viðeigandi. Bahá’íar eru á ýmsum aldri, kynþáttum og þjóðfélagsstigum, konur og karlar, frá öllum löndum heims. Þeirra sameiginlega markmið er að þjóna mannkyninu og slípa til sitt innra líf í samræmi við kenningar Bahá’u’lláh. Samfélagið leitast við að læra og gera, án þess að ala á hugmyndum um einhvers konar yfirburði eða einkaréttar á sannleikanum. Samfélagið leitast við að rækta von í brjósti fólks um framtíð mannkyns, hlúa að tilgangsríkri viðleitni og gleðjast yfir vinnu þeirra sem reyna að stuðla að einingu og létta á þjáningum fólks.
Ef lýsa ætti bahá’íum í einu orði væri orðið fjölbreytni afar viðeigandi. Bahá’íar eru á ýmsum aldri, kynþáttum og þjóðfélagsstigum, konur og karlar, frá öllum löndum heims. Þeirra sameiginlega markmið er að þjóna mannkyninu og slípa til sitt innra líf í samræmi við kenningar Bahá’u’lláh. Samfélagið leitast við að læra og gera, án þess að ala á hugmyndum um einhvers konar yfirburði eða einkaréttar á sannleikanum. Samfélagið leitast við að rækta von í brjósti fólks um framtíð mannkyns, hlúa að tilgangsríkri viðleitni og gleðjast yfir vinnu þeirra sem reyna að stuðla að einingu og létta á þjáningum fólks.
Fréttir
Bjartar horfur
Kvikmyndin Bjartar horfur (e. An Expansive Prospect) sýnir fjóra staði í heiminum þar sem einstaklingar, samfélög og stofnanir leitast í sameiningu við að leysa þjóðfélagsuppbyggjandi kraft bahá'í kenninganna úr læðingi í æ ríkari mæli.
Bahá'í samfélagið á Íslandi
Segja má að sjálfstætt bahá’í samfélag hafi verið starfandi hér á landi frá árinu 1972 þegar Andlegt þjóðarráð bahá’ía á Íslandi var fyrst stofnað. Saga trúarinnar hér á landi nær þó lengra aftur og trúin vakti athygli Íslendinga mun fyrr. Í dag eru skráðir bahá’íar á Íslandi meira en 300 talsins af meira en X þjóðernum. Svæðissamfélög eru starfandi á a.m.k. 7 stöðum á landinu.
Fræðsla
Myndbönd
Á YouTube-rás bahá'í samfélagsins er að finna fjölmörg myndbönd sem tengjast bahá'í trúnni. Hér eru valin myndbönd. Fleiri myndbönd má finna á https://www.youtube.com/bahaiIceland
Svipmyndir úr sögu starfs í hundrað ár
Glimpses of a Hundred Years of EndeavourKvikmynd sem veitir innsýn í hundrað ára starf og lærdómsferli blómstrandi bahá'í samfélaga, allt frá andláti ‘Abdu’l-Bahá árið 1921.
Lengd: 66 mínútur.
Íslenskur texti.
Einnig aðgengileg á bahai.org á arabísku, ensku, frönsku, persnesku, rússnesku, spænsku og swahili.
Ljós fyrir heiminn
(Light to the World)Kvikmynd um ævi og kenningar Bahá’u’lláh. Myndin var gerð í tilefni af því að 200 ár voru liðin frá fæðingu Bahá'u'lláh. Í henni er fjallað á áhrifamikinn hátt um líf og opinberun Bahá’u’lláh. Saga Hans og boðskapur trúarinnar er settur fram í lifandi og áhugaverðum viðtölum við marga viðmælendur.
Lengd: 51 mínúta.
Íslenskur texti.
Einnig aðgengileg á bahai.org á ensku og fleiri tungumálum.
Fyrirmynd
(Exemplar)Kvikmynd sem gerð var til að minnast þess að öld var liðin frá andláti ‘Abdu’l-Bahá. Kvikmyndin segir frá lífi ‘Abdu’l-Bahá og þeim djúpu áhrifum sem hann hafði á fólk bæði í fortíð og nútíð.
Lengd: 55 mínútur.
Lengd: 55 mínútur.
Íslenskur texti.
Myndin er aðgengileg á bahai.org á arabísku, ensku, frönsku, persnesku, rússnesku, spænsku og swahili.
Lýsir af degi
(Light to the World)Kvikmynd um Bábinn, sem birtist fyrir tvö hundruð árum til að hefja nýtt tímaskeið í trúarbragðasögunni og til að undirbúa mannheim fyrir geislandi opinberun Bahá'u'lláh. Lýsir af Degi fjallar um fólk frá mismunandi heimsálfum, sem segja frá leit sinni að sannleika og tilgangi. Þær deila þeirri uppgötvun sinni að Guð hefur sent tvo guðlega sendiboða—Bábinn og Bahá’u’lláh—sem eru að umbylta mannlegri hugsun og hegðun, breyta myrkri í ljós.
Lengd: 48 mínútur.
Íslenskur texti.
Myndin er einnig aðgengileg á bahai.org á ensku og fleiri tungumálum.
Athafnir og áfangar lífsins
Í bahá’í trúnni er engin launuð prestastétt sem hefur umsjón með útdeilingu sakramentis og umsjón með athöfnum á borð við skírn og hjónavígslur. Bahá’u’lláh lagði áherslu á ábyrgð hvers og eins að leita sannleikans og afnam því prestastéttina. Athafnir í bahá’í trúnni eru því fáar og einfaldar sem gefa mikið svigrúm til fjölbreytni í framsetningu. Engin skírn eða ferming er í bahá’í trúnni heldur eingöngu hjónavígslur og jarðarfarir. Hér fyrir neðan má finna nánari upplýsingar fyrir þau sem hyggjast gifta sig og aðstandendur látinna ástvina.
Hátíðir og helgidagar
Bahá’í tímatalið, einnig þekkt sem Badí‘ tímatalið, var sett fram af Bábinum. Bahá’u’lláh staðfesti það og tók það upp og kvað á um að upphaf þess skyldi vera á árinu sem Bábinn lýsti yfir köllun sinni. Bahá’í dagatalið samanstendur af 19 mánuðum og 19 dögum auk þess sem nokkrum dögum er bætt við það sem nefnast Ayyám-i-Há.
Fjármál
Framtíðarsýn Bahá’u’lláh felur í sér að auðlindir heimsins verði nýttar til að stuðla að andlegri og efnislegri velmegun fyrir allt mannkyn. Shoghi Effendi hefur ritað að „framgangur og framkvæmd andlegra verkefna“ sé „háður efnislegum meðulum“.
Í bahá’í samfélaginu eru sjóðir stofnaðir fyrir hvern stað, þ.e. borg eða bæ, hvert land, heimsálfu og heiminn allan. Aðeins meðlimir samfélagsins mega gefa til þessara sjóða og þannig er hægt að halda úti starfsemi á hverjum stað eða sviði fyrir sig og veita fjármunum þannig að það stuðli að velsæld mannkyns.
Bahá'í vefbókasafnið
Þýðingar á ritum Bahá’u’lláh, Bábsins, ‘Abdu’l‑Bahá, Shoghi Effendi og Allsherjarhúss réttvísinnar, auk annarra bahá’í rita eru aðgengileg á Bahá’í vefbókasafninu á slóðinni bokasafn.bahai.is. Bahá’í vefbókasafnið er opinber vefheimild bahá’í rita á íslensku. Hægt er að lesa ritin á vefnum, hlaða þau niður á Word, PDF og fleiri sniðum. Einfalt er að afrita beinar tilvitnanir úr ritunum og fylgir þá hlekkur og tilvísun með.
(354) 567-0344
bahai@bahai.is
Kletthálsi 1
110 Reykjavík
110 Reykjavík