1. Forsíða
  2. Hverju trúa bahá’íar?
  3. Líf andans

Líf andans

Opinberun Bahá’u’lláh staðfestir að tilgangur lífs okkar sé að þekkja Guð og nálgast hann. Sönn sjálfsmynd okkar er viti borin sál okkar, sem með frjálsum vilja og skilningsmætti ​​sínum gerir okkur kleift að bæta okkur og samfélag okkar. Að ganga leið þjónustu við Guð og mannkynið gefur lífinu tilgang og undirbýr okkur fyrir þá stund þegar sálin skilur sig frá líkamanum og heldur áfram eilífri ferð sinni til skapara síns. 

Í þessum hluta eru fjögur málefni skoðuð. Undir hverri fyrirsögn er safn af síðum, greinum, úrvali úr Bahá’í ritunum og frekari heimildum sem fjalla um hvert efni ítarlega.

„Þótt þú fengir ekki í þinn hlut nema örsmáan dropa úr kristaltærum vötnum guðlegrar þekkingar, myndir þú án efa skilja að hið sanna líf er ekki líf holdsins heldur líf andans ... “

–Bahá’u’lláh

Mannssálin

Sérhver manneskja hefur ódauðlega, viti borna sál sem fer um þennan heim í stuttan tíma og heldur áfram að eilífu að þróast í átt að Guði. Tilgangur lífs okkar er að þróast andlega með því að þjóna meðbræðrum okkar. Með því að gera það öðlumst ræktum við þá guðlegu eiginleika sem við munum þurfa í komandi lífi. 

Helgun

Trúarlegar athafnir eins og bæn, hugleiðsla, föstur, pílagrímsferðir og þjónusta við aðra eru eðlislægar trúarlífinu. Með þeim geta einstaklingar og samfélög stöðugt styrkt það einstaka samband sem er milli Guðs og mannkyns.

Líf örlætis og gjafmildi

Rétt eins og kerti hefur það hlutverk að veita ljós, var mannssálin sköpuð til að gefa örlátlega. Við uppfyllum okkar æðsta tilgang í þjónustulífi þar sem við, með auðmýkt og sjálfleysi, bjóðum fram tíma okkar, orku, þekkingu og fjármuni.

Skaphöfn og breytni

Að rækta andlega eiginleika í þessum heimi er ekki hægt nema með því að bæta hegðun okkar þar sem gerðir okkar endurspegla í auknum mæli göfgi sem hver manneskja er gædd og heiðarleika sem hvert og eitt okkar býr yfir. Slíkir andlegir eiginleikar eru ekki fengnir með því að einbeita sér að sjálfum sér; þeir eru þróaðir í þjónustu við aðra.
Myndir á þessari síðu:
Úr safni Bahá'í þjóðarskrifstofunnar - Copyright © Andlegt þjóðarráð bahá'ía á Íslandi
Leit