Þátttaka í lífi þjóðfélagsins

Þannig leitast bahá’íar um allan heim – bæði sem einstaklingar og sameiginlega – við að taka þátt í lífi þjóðfélagsins og vinna hlið við hlið með fjölbreyttum hópum að því að stuðla að framförum efnislegrar og andlegrar siðmenningar. 

Hér er fjallað um tvö svið sem vinna saman. Samfélagsaðgerðir lýsa margvíslegri starfsemi, oft á grasrótarstigi, sem hefur það að markmiði að stuðla að efnislegri og félagslegri velferð samfélagsins í heild. Nátengt þessu er framlag bahá’ía til almannaheilla á sviði hugsunar með þátttöku í þjóðfélagsumræðu. Meðal einstakra meðlima bahá’í samfélagsins felur þetta yfirleitt í sér að deila hugmyndum sem eru innblásnar af kenningum bahá’í trúarinnar á margs konar félagslegum vettvangi. Andleg þjóðarráð samræma viðleitni bahá’ía til að leggja sitt af mörkum til umræðna sem snúa að ýmsum þáttum félagslegra framfara, en á alþjóðavettvangi er Alþjóðlega bahá’í samfélagið þátttakandi í ýmsum alþjóðlegum tengslanetum sem fást við málefni á borð við jafnrétti kvenna og karla og sjálfbæra þróun.