Bábinn boðaði komu bahá’í trúarinnar um miðja nítjándu öld. Hann sagði fyrir um komu opinberanda Guðs sem myndi umbreyta andlegu lífi mannkyns. Markmið hans var að undirbúa komu opinberanda sem væri honum meiri sem myndi færa mannkyni tíma friðar og réttlætis.

Bahá’u’lláh, sem merkir „Dýrð Guðs“, er hinn fyrirheitni sem Bábinn sagði fyrir um, líkt og allir aðrir guðlegir boðberar fortíðarinnar. Bahá’u’lláh færði mannkyni nýja opinberun frá Guði. Með penna sínum skrifaði hann þúsundir versa, bréfa og bóka. Í ritum sínum setti hann í stórum dráttum fram innviði til að þróa heimssiðmenningu sem mun taka tillit til bæði andlegra og efnislegra þátta mannlegs lífs. Að launum þoldi hann 40 ára fangavist, pyntingar og útlegð. 

Í erfðaskrá sinni útnefndi Bahá’u’lláh elsta son sinn sem lögmætan túlkanda kenninga sinna og höfuð trúarinnar eftir sinn dag. Í austri og vestri varð ‘Abdu’l‑Bahá þekktur sem sendiherra friðar, fyrirmynd um mannlega hegðun og forystumaður nýrrar trúar. ‘Abdu’l‑Bahá leiddi samfélagið farsællega í mörg ár, þrátt fyrir að óvinir trúarinnar, bæði utan hennar sem innan, reyndu að hindra hann í því.